Supa 5 ya Airtel show ilivyotikiisa Mtwara

 Ofisa Uhusiano wa Airtel Tanzania Bi. Jane Matinde (kulia) akitoa zawadi ya simu kwa mmoja wa wakazi wa mji wa Mtwara, Prisca Yonasi, aliyejitokeza katika hafla ya uzinduzi wa promosheni ya Jiunge na Supa5 ya Airtel katika uwanja wa Mashujaa, Mkoani Mtwara  

Wakazi wa Mtwara, Shabani Issa Zuberi (kushoto) ambaye ni bubu na asiyesikia akichuana na Kassim Rashidi kucheza muziki   katika hafla ya uzinduzi wa promosheni ya Jiunge na Supa 5 ya Airtel katika uwanja wa Mashujaa, Mkoani Mtwara jana. Shabani alishinda. 

Sehemu ya umati wa watu waliojitokeza  katika uzinduzi wa promosheni ya Jiunge na Supa 5 ya Airtel katika uwanja wa Mashujaa, Mkoani Mtwara jana.

 Baadhi ya wakazi wa Mtwara wakijiunga na Supa 5 wakati wa uzinduzi wa promosheni hiyo mjini Mtwara jana. Anayewaunganisha na Bi. Eva Mrutu wa timu ya mauzo ya Airtel.

MZEE RUKSA AZINDUA SAFARI YA KUPANDA MLIMA KILIMANJARO

  Rais Mstaafu Mzee Ali Hassan Mwinyi  ameanzisha rasmi safari ya kupanda mlima kilimanjaro kwa mwaka huu inayoratibiwa kila mwaka na kampuni ya Geita Gold Mining LTD.  Kampeni hiyo ya mapambano dhidi ya Ukimwi na maambukizi ya Ukimwi  aliyoanza nayo Mzee Mwinyi tangu mwaka 2002 na inafahamika kama Kilimanjaro Climb against HIV/AIDS 2012 Mzee Mwinyi alifanya uzinduzi huo katika lango la Machame lililoko wilayani Hai Mkoani Kilimanjaro.-Kilichovutia zaidi ni kwa Mzee Ruksa kuwa fit kwa kipande alichotembea na leo kwa kiasi fulani alipunguza ule umbali anaopanda ambapo kila mwaka usababisha kati ya kundi lake la wapambe robo tatu kuishia njianiPichani Mzee Mwinyi pamoja na Mkewe Mama Siti Mwinyi wakiongozana na mwenyeji wao mkuu wa wilaya ya Hai Mhe.  Novatus Makunga pamoja na kundi la Wapanda Mlima.

Dk Ulimboka ana siri nzito, kuanika kila kitu baadaye, ataka kwa sasa apumzike.

Dk Steven Ulimboka akiwa chumba cha wagonjwa mahututi MOI.

ASEMA ATAANIKA KILA KITU BAADAYE, ASEMA ACHWE APUMZIKE, MKUU WA JOPO LA MADAKTARI WANAOMTIBU ASEMA ALING’OLEWA KUCHA, MENO MAWILI NA KUPATA MTIKISIKO WA UBONGO

MWENYEKITI wa Jumuiya ya Madaktari aliyetekwa nyara na kuumizwa vibaya usiku wa kumkia juzi, kisha kutupwa Msitu wa Pande, Dk Steven Ulimboka amesema atazungumza kwa kina yote yaliyomsibu baadaye na kuomba sasa aachwe auguze maumivu makali yanayomkabili.

Dk Ulimboka aliokotwa na wasamaria wema juzi asubuhi katika Msitu wa Pande nje kidogo ya Jiji la Dar es Salaam, baada ya kutekwa nyara na watu waliokuwa na silaha akiwa katika Viwanja vya Klabu ya Leaders, Kinondoni.

Jana, Dk Ulimboka ambaye amelazwa Hospitali ya Taifa Muhimbili huku hali yake ikiwa haijatengemaa vyema, alitoa kauli akisema ingawa ana maumivu makali anaendelea vizuri ikilinganishwa na siku ya kwanza.

Dk Ulimboka alitoa kauli hiyo baada ya kutakiwa aeleze mkasa huo uliomfika wa kukamatwa, kuteswa na kutupwa msituni.

Hata hivyo, hadi sasa wingu zito la nani alimteka na watekaji walitaka kujua nini kutoka kwa kiongozi huyo wa madaktari, bado limetanda.

Siri nzito
Akisimulia mkasa huo kupitia Kituo cha Redio cha Clouds FM, Dk Ulimboka alisema, akiwa katika klabu hiyo ya Leaders alipigiwa simu na rafiki yake ambaye alikuwa atokee Tandika na baada ya kumsubiri ndipo alipofika kwenye klabu hiyo, lakini, alianza kujisikia vibaya tofauti na siku nyingine na kuongeza; “Yaani sikuwa na amani.”

Alisema, “Mara, katikati ya maongezi tukaona mtu anaongea na simu. Ghafla tukiwa tunasema tuagane, wakaja watu kama watano hivi na bunduki, wakasema wewe na yule bwana mko free (huru), tunakuchukua wewe (Dk Ulimboka),” alieleza na kuongeza:

“Sijakaa sawa, nikaona nimeshaburutwa nikaanguka kwenye lami, wakaniinua na kuniingiza kwenye gari nyeusi, lakini halikuwa na namba.”

Hata hivyo, jana Dk Ulimboka hakuonana na mwandishi wa habari hii, badala yake alirekodiwa, na Mwananchi kupata sauti yake akijibu swali kuhusu hali yake na tukio hilo, baada ya uongozi wa Taasisi ya Mifupa Muhimbili (Moi) kuzuia watu kumwona.

Daktari huyo wa magonjwa ya binadamu, amelazwa katika chumba cha Wagonjwa Wanaohitaji Uangalizi Maalumu (ICU).

“Kidogo najisikia nafuu ikilinganishwa na nilivyokuja ingawaje, bado nina maumivu makali. Kwa hivyo, ingependeza niendelee na mapumziko na mtu yeyote anayetaka kuniona pengine hilo jambo lisifanyike sasa. Hivi sasa ni vizuri nipumzike,” ilisikika sauti hiyo ya Dk Ulimboka.

Lakini, uchunguzi wa gazeti hili umebaini kuwa wodini alikolazwa Dk Ulimboka, kuna ulinzi mkali wa madaktari na hairuhusiwi watu kumwona kiholela siyo tu kwa sababu za kutaka aachwe apumzike, bali pia kutowaamini watu ovyo.

Madaktari wanaolinda eneo hilo walisikika jana wakisema, “Huyu tunamlinda wenyewe na haiwezekani mtu asiyefahamika kuingia humu ndani, na hilo tutahakikisha sisi wenyewe,” alisikika akisema mmoja wa madaktari hao.

Kiongozi jopo la madaktari

Katika hatua nyingine, kiongozi wa jopo la madaktari wanaomuhudumia Dk Ulimboka, Profesa Joseph Kahamba aliwaambia waandishi wa habari kuwa Dk Ulimboka ana majeraha mwili mzima.

“Ingawa kwa sasa anaendelea vizuri, Dk Ulimboka ameumia sana, kwani mwili wake mzima una majeraha kutokana na kupigwa na watekaji hao,” alisema Profesa Kahamba na kuongeza:

“Aliumia mbavuni, kifuani, miguuni, mikononi ambako aling’olewa baadhi ya kucha za vidole na kichwani na kinywani, ambako aling’olewa meno mawili,” alisema.

Alifafanua kwamba, kutokana na maumivu hayo ya kichwa, Dk Ulimboka alipata tatizo la mtikisiko wa ubongo, lakini akasisitiza kuwa madaktari bingwa wanaendelea na harakati za kuokoa maisha yake.

Uongozi wa Moi watoa neno

Uongozi wa Taasisi ya Mifupa (Moi) umeeleza kuwa hali yake inaendelea vizuri ingawa bado amelazwa katika chumba cha wagonjwa mahututi cha taasisi hiyo.

Msemaji wa Moi, Almas Jumaa aliwaambia waandishi wa habari kuwa licha ya hali yake kuendelea vizuri, lakini haingewezekana kwa waandishi wa habari kuingia ndani ya chumba alikolazwa na kumwona Dk. Ulimboka.

“Mgonjwa anaendelea vizuri ukilinganisha na jana (juzi), anaongea, anawatambua watu wanaokwenda kumwona, lakini utaratibu wa kwenda kumwona kwa ninyi imeshindikana kwa sababu yupo (ICU) ni chumba chenye utaratibu wake,” alisema Jumaa.

Jumaa aliongeza kwamba ili mtu aweze kuingia wodini analazimika kuvaa vazi maalumu na mavazi yaliyopo, yasingetosha, lakini pia wapo watu wanaoendelea kumpatia huduma ya matibabu.

Tamko la Jumuiya ya Madaktari

Wakati hali ya Dk Ulimboka ikiwa hivyo, madaktari wameipinga tume ya uchunguzi iliyoundwa na Jeshi la Polisi kuchunguza suala hilo, wakidai mazingira ya tukio hayaliondoi jeshi hilo kuhusika.

Katibu wa Jumuiya hiyo, Dk Edwin Chitage aliwaambia waandishi wa habari kuwa wangependa kuundwa kwa tume huru itakayofanya kazi ya kuchunguza tukio hilo na kutoa taarifa kwa umma.

“Madaktari kwa ujumla wetu tunalaani tukio la kutekwa nyara, kupigwa na kutupwa katika Msitu wa Pande, lakini pia hatuna imani na tume iliyoundwa na Jeshi la Polisi kwa sababu mazingira ya tukio hayaondoi kuhusika ama kutohusika kwa jeshi hilo,” alisema Dk Chitage.

Chitage alitoa msimamo wa madaktari kuwa ni kuendelea na mgomo, huku akionya Serikali kuacha vitendo vya kuwatisha, kwa madai kuwa vitendo hivyo haviwezi kuwa suluhu ya mgogoro kati ya pande hizo mbili.

“Kumekuwa na vitisho kwa madaktari katika maeneo mbalimbali nchini, hususan Dodoma, Mbeya, Arusha na Mwanza. Tunaionya Serikali kuacha mara moja na itambue kuwa mgogoro huo hauwezi kumalizwa kwa namna nyingine yoyote bali ni kwa Serikali kutekeleza madai ya madaktari,” alisema Chitega na kuongeza:

“Sisi madaktari kwa umoja wetu, tumechoka kushuhudia Watanzania wakipoteza maisha kwa magonjwa tunayoweza kuyatibu, kufanya kazi katika mazingira magumu huku kukiwa hakuna mipango ya kuboresha mazingira ya kazi, kukosekana kwa dawa na vifaa tiba.”

Mgomo huo wa madaktari leo unaingia siku ya saba tangu ulipotangazwa na mwenyekiti huyo kuwa, ungeanza rasmi Jumamosi iliyopita.

KARIBU KWENYE MAONESHO YA 36 YA BIASHARA YA KIMATAIFA YA DARE SALAAM KWA UDHAMINI WA VODACOM TANZANIA

KARIBU KWENYE MAONESHO YA 36 YA BIASHARA YA KIMATAIFA YA DARE SALAAM KWA UDHAMINI WA VODACOM TANZANIA

Kampuni ya simu za mkononi ya Vodacom Tanzania mwaka huu ni wadhamini Wakuu  ambao wataratibu habari na Mawasiliano katika Maonesho ya 36 ya Biashara ya Kimataifa  ya Dar es Salaam, hivyo wananchi wote wanatangaziwa kufika katika Viwanja vya maonesho hayo,kujione na kupata huduma bora  katika viwanja hivyo.

Meneja Mahusiano wa Vodacom Tanzania Matina Nkurlu(kulia) akimuonesha  Afisa Udhamini na Matukio wa Kampuni hiyo  Ibrahim Kaude,simu ya mkononi  aina ya ZTE s502 yenye Radio na Michezo inayouzwa kwa Tsh 13,000 ikiwa na muda wa maongezi ya Tsh 6,000 ukitaka kupata simu hizo fika katika mabanda ya Vodacom yaliyopo katika viwanja vya maonesho ya 36 ya Biashara Kimataifa(Sabasaba)

Wafanyakazi wa Vodacom Tanzania wakiandaa mabanda katika viwanja vya maonesho ya 36 ya Biashara ya Kimataifa ya Dar es Salaam,ambapo wateja watajipatia huduma mbalimbali pamoja na simu ya mkononi  aina ya ZTE s502 yenye Radio na Michezo inayouzwa kwa Tsh 13,000 ikiwa pamoja na  muda wa maongezi ya Tsh 6,000.

RAIS KIKWETE AFUNGUA HOSTEL BAGAMOYO, AOMBOLEZA KIFO CHA MAMA MZAZI WA WAZIRI STEPHEN WASSIRA LEO

  Rais Dkt Jakaya Mrisho Kikwete akipokewa kwa shangwe alipowasili katika ukumbi wa mikutano kwenye sherehe za "Holy Ghost Congregation 20th General Chapter katika hosteli ya Misheni ya Kikatoliki ya Stella Maris leo Juni 29. 2012 huko Bagamoyo, Mkoa wa Pwani.

 

 Rais Dkt Jakaya Mrisho Kikwete akizungumza kama Mgeni Rasmi  kwenye sherehe za "Holy Ghost Congregation 20th General Chapter katika hosteli ya Misheni ya Kikatoliki ya Stella Maris leo Juni 29. 2012 huko Bagamoyo, Mkoa 

wa Pwani.

 

 Rais Dkt Jakaya Mrisho Kikwete akiwa na wenyeji wake kwenye b kwenye sherehe za "Holy Ghost Congregation 20th General Chapter katika hosteli ya Misheni ya Kikatoliki ya Stella Maris aliyoizindua leo Juni 29. 2012 huko Bagamoyo, Mkoa wa Pwani.

 

 Rais Dkt Jakaya Mrisho Kikwete akipozi na baadhi ya wanafunzi wa kidato cha sita wa Marian Girls Secondary school kwenye kwenye sherehe za "Holy Ghost Congregation 20th General Chapter katika hosteli ya Misheni ya Kikatoliki ya Stella Maris aliyoizindua leo Juni 29. 2012 huko Bagamoyo, Mkoa wa Pwani

 

 Rais Dkt Jakaya Mrisho Kikwete na Mama Salma Kikwete wakitoa heshima za mwisho kwa mama wa Waziri wa Nchi Ofisi ya Rais Mhe. Stephen Wassira (kushoto) , Marehemu Esther Mgaya Mankaba, leo nyumbani kwa Mhe Wassira jijini Dar es salaam leo Juni 29, 2012. Baada ya heshima za mwisho mwili wa marehemu utasafirishwa kuelekea wilayani Bunda kwa mazishi.

 

 Rais Dkt Jakaya Mrisho Kikwete na Mama Salma Kikwete, Waziri Mkuu Mstaafu na Mwenyekiti wa Tume ya Katiba Jaji Joseph Sinde Waqrioba, Waziri wa Kazi na Ajira Mhe Gaudencia Kabaka, Katibu wa NEC, Itikadi na Uenezi wa CCM, Nape Nnauye, na wanafamilia wa wafiwa  wakitoa heshima za mwisho kwa mama wa Waziri wa Nchi Ofisi ya Rais Mhe. Stephen Wassira (kushoto) , Marehemu Esther Mgaya Mankaba, leo nyumbani kwa Mhe Wassira jijini Dar es salaam leo Juni 29, 2012. Baada ya heshima za mwisho mwili wa marehemu utasafirishwa kuelekea wilayani Bunda kw mazishi.

Irine Sizari ndiye Redds Miss Ubungo 2012

 Redds Miss Ubungo 2012, Irine Sizari, akipunga mkono kwa furaha mara baada ya kutangazwa kuwa mshindi wa shindano hilo na kuwabwaga warembo wengine 14 usiku huu katika Ukumbi wa Land Mark Hotel jijini Dar es Salaam. 

 

  Redds Miss Ubungo 2012, Irine Sizari (katikati) akipunga mono baada ya kuvukwa taji hilo na kupata tiketi ya kushiriki Miss Kinondoni 2012. Kushoto ni Mshindi wa Pili, Mwantumu Mustafa na kulia ni Mshindi wa tatu, Antonia Nyaragwinda. Shindano hilo limefanyika Juni 29, 2012 kuamkia Juni 30.

 Baadhi ya warembo wa miss Ubungo wakipita jukwaani na vazi la ubunifu

 Wanenguaji wa Kundi la FM Academia wakisakata ngoma za Bendi hiyo.

Irene Sizari ndiye Redd's Miss Ubungo 2012

TBL FAMILY DAY YAFANA JIJINI DAR ES SALAAM

Wafanyakazi wa Kampuni ya Bia Tanzania (TBL), pamoja na ndugu zao wakishindana katika mchezo wa kuvuta kamba kwenye bonanza la kufurahi pamoja na familia zao, katika ufukwe wa Hoteli ya Kunduchi Beach,Dar es Salaam
mwishoni mwa wiki, pichani Wanafamilia wa TBL wakimuangalia mcheza sarakasi wa kikundi cha Black Texas, wakati akitembea juu ya waya

 Mtoto wa moja ya familia ya wafanyakazi wa Kampuni ya Bia Tanzania (TBL) ambaye hakufahamika jina lake akitoa shoo ya bure katika bonanza la wafanyakazi hao kufurahi pamoja na familia zao, Dar es Salaam mwishoni mwa wiki.

 Meneja Uhusiano wa TBL, Editha Mushi akijadiliana jambo na viongozi wenzake wakati wa bonanza hilo.

WANAJESHI WATISHIA KUTEKA MAENEO YA WANAKIJIJI KIMBIJI, DAR

Wakijiji wajipanga kupambana kutetea haki yao, Waomba Serikali kuingilia kati
********************************
 WANAKIJIJI wa Kimbiji,Wilayani Temeke,nje kidogo ya jiji la Dar-es-salaam, maeneo ya Kigamboni, wamejipanga kupambana na

Askari wa Jeshi wanaokuwa wakifika katika maeneo yao na kuwasumbua wakiwataka kuhama katika maeneo hayo ambayo wao ni wakazi wa asili kwa muda mrefu sasa.

Wananchi hao ambao wamekuwa wakipata usumbufu na vitisho na kuharibiwa mali zao, Makazi na mazao yao,kutokana baadhi
wanajeshi hao ambao wanania ya kutaka kuyachukua maeneo ya wanakijiji wa Kimbiji kwa kutumia nembo ya Jeshi (JWTZ),kinyume cha sheria.

Wakizungumza na mtandao huu baadhi ya wanakijiji hao wamesema kuwa Kuanzia mwaka jana 2011 wanajeshi hao wamekua na tabia ya kuvamia mashamba na makazi ya wanakijiji Kimbiji na kuwanyanyasa huku wakiwataka wananchi hao kuyahama makazi yao huku vyombo vya dola vikiwa vimekaa kimya.

Wanakijiji hao wa Kimbiji wanalalamika kuwaona wanajeshi hao wakiwafanyia unyama na unyanyasaji.bila kujali utu.

Aidha imeelezwa kuwa kuna baadhi ya wanajeshi wamekuwa wakitumia Baru zenye Nembo ya Jeshi na kuzipeleka kwa katika Ofisi ya Serikali ya Kijiji na kutoa vitisho kuwa barua hizo zimetoka Wizarani zikiwataka wananchi kuyahama makazi yao.
 

Wakilalamika Wanakijiji hao wa Kimbiji,wilayani Temeke,Dar-es-salaam, wamesema kuwa hawajawahi hata siku moja kua wala kukaa kikao na serikali au wizara ya Ardhi ili kujulishwa hali halisi ya tukio hilo na kuiomba Serikali kuingilia kati ili kuepusha vurugu zinazoweza kutokea.
 

Kwa maelezo zaidi wasiliana na Uongozi wa Kijiji,Diwani simu Na. 0713768082
Mwenyekiti: Simu namba 0713846688

ELIMU YA NMB FINANCIAL FITNESS YAENDELEA KUTOLEWA MIKOA YA PWANI, MOROGORO NA DAR ES SALAAM

ELIMU YA NMB FINANCIAL FITNESS YAENDELEA KUTOLEWA MIKOA YA PWANI, MOROGORO NA DAR ES SALAAM

Elimu ya NMB Financial Fitness yaendelea kutolewa kwenye shule mbalimbali Pwani, Morogoro na Dar es Salaam. Wanafunzi wengi wamepata kujua faida za kuwa uelewa wa matumizi mazuri ya fedha.

Picha hii inaonyesha wanafunzi wa Shule ya Msingi Kilindoni kisiwani Mafia wakijisomea kijarida cha NMB Financial Fitness huku Meneja wa NMB Mafia Mohamed Njalale akifuatilia kwa ukaribu

\

Wanafunzi wa Shule ya Msingi Mkoani iliyopo Kibaha mkoani Pwani wakisoma kijarida cha NMB Financial Fitness

Meneja wa NMB Mkuranga, Ndg. Wirra Wirra akikabidhi tuzo kwa mwanafunzi wa Shule ya Msingi Mkuranga mkoani Pwani

Wanafunzi wa Kibonde Maji iliyopo Mbagala jijini Dar es Salaam wakijisomea kijarida cha NMB Financial Fitness wakati wa utambulisho wa mpango huo shuleni kwao

NILICHOKIPATA KWENYE FACEBOOK ZA MASANJA MKANDAMIZAJI, FID Q, T.I.D, NNAUYE NA KING’ANG’I.

.

.

.

.

.

.

.

HALI YA DR STEVEN ULIMBOKA YAONEKANA KUENDELEA VIZURI

HALI YA DR STEVEN ULIMBOKA YAONEKANA KUENDELEA VIZURI

MABONDIA WA KAMBI YA BIG RIGHT WAAHIDIWA ZAWADI YA BAISKELI

 Kocha wa ngumi wa Kambi ya mazoezi ya Big Right, Ibrahim (katikati) akiwa na mabondia wake wakati akiwasimamia katika Kambi yao ya mazozi ya pamoja kama timu kujiandaa na mapambano yao yanayotarajia kufanyika Julai 15 katika Ukumbi wa DDC Kariakoo, jijini Dar es Salaam, mwaka huu.

********************************************

KATIBU wa Vijana wa CCM Kata ya Kinondoni, Rehema Mbegu, ameahidi kutoa zawadi ya Baiskeli kwa Mabondo wa Klabu ya Mazoezi ya Big Right ya Mwananyamala jijini Dar es Salaam, iwapo watashinda katika mapambano yao yanayotarajia kufanyika hivi karibuni, ili kuwa moyo zaidi vijana kuupenda mchezo wa Masumbwi.

Rehema mbegu, mara kadhaa amekuwa akishirikiana na vijana wa Kata yake katika masuala mbalimbali ya Kijamii na ya kuendeleza michezo, ambapo amekuwa karibu zaidi na vijana wa rika zote na kuwapa sapoti kubwa ikiwa ni pamoja na kuwapa ushauri kujishughulisha na michezo zaidi ili kuepuka kutojiingiza katika mkumbo wa matumizi ya madawa ya kulevya.

Mabondia hao baada ya kuhakikishiwa zawadi nono ya kila atakayeshinda kuibuka na Baiskeli, wamezidi kuwa na morali zaidi na kutoa ahadi zao kwa Katibu huyo kuwa watafia ulingoni hadi kieleweke kwa kutupa mawe ya ukweli kwa wapinzani wao watakaokutana nao siku hiyo ya pambano.

Vijana hi wamekwishaanza kambi yao ya pamoja na kufanya mazoezi ya pamoja kama timu chini ya Kocha wao, Ibrahim Bigright na kuongeza muda wa mazoezi ambapo kwa sasa wanafanya mara tatu hadi kwa siku.

Mabondia hao ambao wanategemea kupanda ulingoni july 15 DDC-kariakoo ni Issa Omar(bigright boxing) atakaechapana na Ramadhan Kumbele, kutoka Kambi ya Matumla, katika uzani wa fly weight, Mwaite Juma kutoka Bigright Boxing,ambaye atapigana mkongwe Anthony Mathias,  katika uzani wa Bantam.

Ambao watakuwa wakisindikiza pambano la ubingwa wa taifa ni kati ya JUMA
FUNDI wa keko na BAINA MAZOLA wa mabibo kutoka kambi ya mzazi

"ANAYETUPAMBIA BLOG YETU SIKU YA LEO"

Jina: Wilson Jackson De Immortal

Hobbies: Singing, Watching Movies, Listening to Music.

Kazi: Self Employed.

"MREMBO WETU WA SIKU"

Jina: Lailathy de Precious,

Hobbies: Chatting, Making Friends, Reading,

              Watching TV n Listening 2 Music.

Kazi: Model.

YANGA KUANZA KUTETEA UBINGWA WAO KOMBE LA KAGAME NA ATLETICO

Mabingwa watetezi wa Klabu Bingwa Afrika Mashariki na Kati (Kombe la Kagame) Dar Young African, wataanza kutetea ubingwa wao Julai 14 mwaka huu dhidi ya Atletico ya Burundi mchezo utakaochezwa kwenye Uwanja wa Taifa, Dar es Salaam.

Akizungumza na waandishi wa habari jijini Dar es Salaam, leo Katibu Mkuu wa Baraza la Vyama vya Mpira wa Miguu Afrika Mashariki na Kati (CECAFA), Nicholas Musonye,  ametangaza ratiba ya michuano hiyo wakati wa mkutano na waandishi wa habari uliofanyika katika ofisi za Shirikisho la Mpira wa Miguu Tanzania (TFF).

Musonye, alisema kuwa jumla ya timu 11 zimethibitisha kushiriki katika michuano hiyo itakayoanza Julai 14 hadi 28 mwaka huu, ambapo kwa siku zitachezwa mechi mbili (saa 8 mchana na saa 10 jioni) huku Tanzania Bara ikiwakilishwa na Yanga, Simba na Azam. 

Mechi ya kwanza siku ya ufunguzi kati ya APR ya Rwanda na Wau Salaam ya Sudan itaanza saa 8 mchana, wakati Mabingwa watetezi wa Kombe hilo, Yanga ya Dar es Salaam, watashuka dimbani saa 10, jioni kuvaana na Atletico ya Burundi.

Aidha Musonye aliyataja makundi kuwa ni Kundi A lina timu za Simba, URA ya Uganda, Vita Club ya Jamhuri ya Kidemokrasi ya Congo (DRC) na Ports ya Djibouti. 

Wakati timu za Azam, Mafunzo ya Zanzibar na Tusker ya Kenya zipo katika kundi B.

Yanga inaunda kundi C lenye timu za APR ya Rwanda, Wau Salaam ya Sudan Kusini na Atletico ya Burundi. 

Aidha Musonye, alisema kuwa katika michuano hiyo, jumla ya timu nane zitaingia hatua ya robo fainali itakayochezwa Julai 23 na 24 mwaka huu. 

Na kundi A na C kila moja litatoa timu tatu kwenda robo fainali wakati B litatoa timu mbili.El Merreikh ya Sudan, Red Sea ya Eritrea, Coffee ya Ethiopia na Elman ya Somalia hazitashiriki katika mashindano ya mwaka huu ambayo yanafanyika Tanzania Bara kwa mwaka wa tatu mfululizo kutokana na sababu mbalimbali.

Coffee haitashiriki kwa vile ligi ya Ethiopia inaanza Julai 14 mwaka huu wakati El Merreikh wikiend ya Julai 13-15 mwaka huu itakuwa na mechi ya michuano ya Shirikisho la Mpira wa Miguu Afrika (CAF).

Musonye, alitaja zawadi ya Bingwa wa michuano hiyo ya mwaka huu kuwa atajinyakulia kitita cha dola za Marekani 30,000/= na msindi wa pili ataibuka na dola 20,000/= na mshindi wa tatu dola 10,000. 

Michuano hiyo itakuwa ikionyeshwa moja kwa moja (live) na Televisheni ya SuperSport

WAFANYAKAZI WA SHIRIKA LA KIGENI LA MISAADA WATEKWA NCHINI KENYA

Wafanyakazi wanne wa shirika la kigeni la misaada na mkenya mmoja wametekwa kutoka katika kituo cha wakimbizi kinachoitwa Dadaab kilichpo karibu na mipaka ya somalia. wakati wa sakata hilo dereva aliuawa na mpaka sasa wafanyakazi hao wanne hawajajulika ni wa kutoka taifa gani. hii sio mara ya kwanza kutokea mwaka uliopita matukio kama haya yalijitokeza na kusababisha magrupu mengi ya wafanyakazi hao kuondoka katika kituo hicho kinachosemekana kuwa ni kituo kikubwa cha wakimbizi duniani its more about music industry and social issues in and out of bongo land.

Waliowahi kusoma Kinondoni Muslim kusherekea Jumamosi

Na Mwandishi Wetu
MBUNGE wa Kinondoni, Bw. Idd Azzan atakuwa mgeni rasmi katika sherehe za wanafunzi waliomaliza shule ya Sekondari ya Kinondoni Muslim (Reunion) zitakazofanyika Jumamosi Juni 30.
Mwenyekiti wa Reunion Bi. Mambo Tambaza alisema katika sherehe hizo ambazo zitahudhuriwa na wanafunzi waliowahi kusoma shule hiyo kutoka ianzishwe mwaka 1966, walimu waliowahi kufundisha shule hiyo na wanafunzi wanasoma watahudhuria.
Makamu Mwenyekiti wa Reunion, Bw. Aboubakar Liongo alisema maandalizi ya sherehe hiyo yamekamilika na sherehe hiyo itaanza saa 5 asubuhi kwenye hoteli ya Cine Club iliyopo Kawe, Dar es Salaam.
Alitoa wito kwa wanafunzi waliowahi kusoma shule hiyo kujitokeza ili kufahamiana na kuangalia uwezekano wa kuisaidia shule hiyo.
"Tumetoa taarifa kwa wanafunzi wote kwa njia ya mtandao na ujumbe mfupi wa simu za mkononi, ni matumaini yetu kuwa wengi watahudhuria" alisema Bw. Liongo.
Katika sherehe hizo mkuu wa shule hiyo na wanafunzi wanaosoma wataeleza hali ya kitaaluma katika shule hiyo na msaada wanaohitaji.

RATIBA YA MICHUANO YA KOMBE LA KAGAME 2012

RATIBA YA MICHUANO YA KOMBE LA KAGAME 2012

KAGAME CUP 2012 FIXTURE Sat. 14th July 1 APR vs WAU SALAAM Uwanja wa Taifa 2pm 2 YANGA vs ATLETICO Uwanja wa Taifa 4pm Sun. 15th July 3 AZAM vs MAFUNZO Chamazi 4pm Mon. 16th July 4 VITA CLUB vs PORTS Uwanja wa Taifa 2pm 5 SIMBA vs URA Uwanja wa Taifa 4pm Tue. 17th July 6 ATLETICO vs APR Uwanja wa Taifa 2pm 7 WAU SALAAM vs YANGA Uwanja wa Taifa 4pm Wed. 18th July 8 VITA CLUB vs URA Uwanja wa Taifa 2pm 9 PORTS vs SIMBA Uwanja wa Taifa 4pm Thu. 19th July 10 ATLETICO vs WAU SALAAM Uwanja wa Taifa 2pm 11 MAFUNZO vs TUSKER Uwanja wa Taifa 4pm Fri. 20th July 12 PORTS vs URA Uwanja wa Taifa 2pm 13 YANGA vs APR Uwanja wa Taifa 4pm Sat. 21st July 14 AZAM vs TUSKER Uwanja wa Taifa 2pm 15 SIMBA vs VITA CLUB Uwanja wa Taifa 4pm Sun. 22nd July REST DAY QUARTER FINALS Mon. 23rd July 16 B2 vs C2 17 A1 vs C3 Tue. 24th July 18 C1 vs A2 19 B1 vs A3 Wed. 25th July REST DAY SEMI FINALS Thu. 26th July 20 Winner 16 vs Winner 17 Thu. 26th July 21 Winner 18 vs Winner 19 Fri. 27th July REST DAY FINALS AND 3rd PLACE PLAY OFFS Sat. 28th July 22 Loser 20 vs Loser 21 23 Winner 20 vs Winner 21

Wema Sepetu aagana na Omotola Jalade

Mwigizaji wa Kimataifa kutoka Nchini Nigeria,Omotola Jalade wa pili kushoto akikabidhiwa zawadi za khanga, shanga na viatu kutoka kwa mwenyeji wake Wema Sepetu wakati akiondoka kuelekea Nigeria jana usiku. Wanaoshuhudia ni Mkurugenzi wa Kampuni ya One Touch Solutions, Petter Mwendapole ambao waliratibu ziara ya msanii huyo. Mwingine wa msanii Snura. 

Mwigizaji Wema Sepetu akimvalisha Khanga Omotola Jalade muda mfupi kabla ya kuondoka nchini kuelekea Nigeria. 

Omotola akijaribu bangili za kimasai alizopewa kama zawadi.