Kwa Habari Moto Moto, Michezo na Burudani.: November 2012

Saturday, November 24, 2012

WAZIRI MKUU MIZENGO PINDA AWASILI MKOANI KATAVI TAYARI KWA UZINDUZI RASMI WA MKOA HUO

Waziri Mkuu Mizengo Pinda akisalimiana na Mkuu wa Mkoa wa Katavi Dkt. Rajab Rutegwe mara baada ya kuwasili kwenye uwanja wa ndege wa Mpanda leo mchana kwa ajili ya kushiriki katika shughuli ya uzinduzi rasmi wa mkoa huo utakaofanyika siku ya jumapili kwenye viwanja vya Kashaulili mjini Mpanda, mkoa huo ukizunduliwa rasmi kwa ving'ola na Mh Dkt. Gharib Bilal Makamu wa rais wa Jamhuri ya Muungano ya Tanzania anayetarajiwa kuwasili kesho mjini Mpanda tayari kwa ajili ya uzinduzi huo

Waziri Mkuu Mizengo Pinda viongozi mbalimbali wa CCM baada ya kuwasili mkoani Katavi leo mchana katikati ni Waziri wa Uwezeshaji Dkt. Mary Nagu na kulia ni Mkuu wa mkoa wa Katavi Dkt. Rajab Rtengwe.

Waziri Mkuu Mizengo Pinda akisalimiana na Mbunge wa Mpanda Mjini, Said Arfi (Chadema) mara baada ya kuwasili mjini Mpanda leo

Waziri Mkuu Mizengo Pinda akiongozana na Mkuu wa Mkoa wa Katavi Dkt. Rajab Rutengwe kwa ajili ya kukagua vikundi vya ngoma katika uwanja wa ndege wa Mpanda mara baada ya kuwasili, kushoto ni mke wake mama Tunu Pinda.

Mke wa Waziri Mkuu Mama Tunu Pinda kushoto akifurahia jambo na Dkt. Mary Nagu waziri wa Uwezehaji Ofisi ya Waziri Mkuu wakati walipowasili katika uwanja wa ndege wa mpanda leo.

Mh. Waziri Mkuu Mizengo Pinda akuwapungia mkono wakazi wa mjini Mpanda waliofika uwanja wa ndege kumlaki , kushoto ni Mkuu wa Mkoa wa Katavi Dkt. Rajab Rutengwe.

Kikundi cha ngoma kikitumbuiza wakati wa mapokezi ya Waziri Mkuu Mh. Mizengo Pinda katika uwanja wa ndege wa Mpanda.

Mkuu wa Mkoa wa Katavi Dkt. Rajab Rutengwe akiwa katika picha ya pamoja na Mbunge wa Mpanda Mjini, Said Arfi (Chadema) wakati wa mapokezi ya waziri kuu Mizengo Pinda mjini Mpanda, Mh. Rajab Rutengwe anatoa kauli mbiu yake kuwa "SIASA NI MAENDELEO".

Mkuu wa mkoa wa Katavi Dkt. Rajabu Rutengwe akimsiliza Kamanda wa polisi Mkoa wa Katavi kamanda Dhahiri Kidavashari wakati akimpa maelezo ya utaratibu wa mapokezi ya mgeni huyo, kulia anayesikiliza kwa makini ni Afisa Habari wa mkoa wa Rukwa Bw. Hamza Temba

Waziri Mkuu Mizengo Pinda akisaini kitabu cha wageni wakati alipotembelea banda la Mkoa wa Rukwa ili kupata maelezo kadhaa katika maonyesho hayo kulia ni Mkuu wa mkoa wa Katavi Dkt Rajab Rutengwe na kushoto ni Mke wa Waziri Mkuu mama Tunu Pinda.

Waziri Mkuu Mizengo Pinda akipata maelezo katika banda la mkoa wa Rukwa katikati ni Mke wake Mama Tunu Pinda.

Waziri Mkuu Mizengo Pinda akipata maelezo kutoka kwa mmoja wa maafisa wa ardhi katika mkoa wa Katavi mara baada ya kutembelea banda la mkoa huo.

Benki ya NMB nao wanashiriki katika uzinduzi wa mkoa huo kama wanavyoonekana wafanyakazi wa benki hiyo wakiwa katika banda lao kutoka kulia ni Hussein Kabwe, Berdon Mwakatobe na Aneth Nyakiboha.

Afisa habari wa Shirika la nyumba NHC akitoa maelezo kwa Mhadhiri katika chuo kikuu cha Dar es salaam John Kafuku wakati alipotembelea katika Banda la shirika hilo

Banda la Kampuni ya Simu ya TTCL wafanyakazi wakiwa katika pilika mbalimbali za kuandaa shughuli zao katika banda hilo kutoka kulia ni Alinamaka Ndalima, Humphrey Ngowi na Thomas Lemunge.

Bendi kutoka mkoani Katavi ikitoa burudani katika maonyesho hayo huku ikipigwa tafu na mwanamuziki kongwe Bw. Hamza Kalala ambaye yuko huko kwa ajili ya kuinoa bendi hiyo.

Mwanamuziki Hamza Kalala akifanya vitu vyake katika maonyesho hayo ambayo yanaambatana na uzinduzi wa mkoa wa Katavi siku ya jumapili Novemba 25 mjini Mpanda.

Mwakyembe atoa amri: Wafanyakazi wote walio kwenye wizara yake wasitumie daraja la kwanza kwenye ndege

Mh. Dr Mwakyembe

IKIWA NI SIKU CHACHE tokea aunde bodi mpya ya watu wanane Mamlaka ya Bandari [TPA] watakaoanza kazi rasmi Januari mwakani, ametoa agizo lingine kali kwa wafanyakazi wa Wizara hiyo.

Waziri wa Uchukuzi, Dkt. Harrison Mwakyembe amewaagiza wafanyakazi wote waliochini yake kutosafiri kwa kutumia daraja la kwanza kupitia usafiri a ndege popote waendapo ili kudhibiti matumizi mabovu ya fedha za umma.

Agizo hilo lilitolewa jana akiwa mkoani Tanga mbele ya vyombo vya habari na kusema wafanyakazi wote wa serikali walioko chini ya wizara yake ni marufuku kusafiri kwa ndege kwa kutumia daraja la kwanza.

Amesema mfanyakazi yeyote atakayekaidi agizo hilo fedha zake zitakatwa kwenye malipo yake ya mwezi ikiwa ni kupunguza ama kuondoa matumizi mabovu ya fedha za serikali na kufafanua anayetakiwa kutumia daraja hilo ni Rais pekee.

Vilevile aliweza kuviambia vyombo vya habari kuwa, anakusudia kuleta mageuzi katika sekta ya usafirishaji katika bandari (PTA) ili kuweza kuleta ushindani wa kibiashara na nchi jirani ili waweze kutumia bandri za hapa nchini kinyume na ilivyo sasa.

JK. Apokea Cheti Chake Cha Udaktari Wa MUHAS

Makamu Mkuu wa Chuo cha Afya na Sayansi Shirikishi Muhimbili Prof. Ephata Kaaya akisoma risala kabla ya kumkabidhi Rais Kikwete Cheti cha Udaktari wa Public Health (Honoris Causa), kufuatia Shahada aliyotunukiwa na Chuo Desemba mwaka 2010 kwa Kutambua mchango wa Rais Kikwete katika kuendeleza Sekta ya Afya nchini leo Novermba 23, 2012 Ikulu jijini Dar es salaam

Rais Jakaya Mrisho Kikwete akipokea toka kwa Makamu Mkuu wa Chuo cha Afya na Sayansi Shirikishi Muhimbili Prof. Ephata Kaaya Cheti cha Udaktari wa Public Health (Honoris Causa), kufuatia Shahada aliyotunukiwa na Chuo hicho mwaka 2010 kwa Kutambua mchango wa Rais Kikwete katika kuendeleza Sekta ya Afya nchini. Sherehe hiyo fupi ilifanyika leo Novermba 23, 2012 Ikulu jijini Dar es salaam.

Rais Jakaya Mrisho Kikwete akiwa na Cheti cha Udaktari wa Public Health (Honoris Causa), kufuatia Shahada aliyotunukiwa na Chuo hicho mwaka 2010 kwa kutambua mchango wake katika kuendeleza Sekta ya Afya nchini. Sherehe hiyo fupi ilifanyika leo Novermba, 2012 Ikulu jijini Dar es salaam.

Rais Jakaya Mrisho Kikwete katika picha ya kumbukumbu na Waziri wa Ardhi Prof Anna Tibaijuka, Waziri wa Afya na Ustawi wa Jamii Dkt Hussein Mwinyi na viongozi wa Chuo cha Afya na Sayansi Shirikishi Muhimbili baada ya kukabidhiwa Cheti cha Udaktari wa Public Health (Honoris Causa), kufuatia Shahada aliyotunukiwa na Chuo hicho mwaka 2010 kwa Kutambua mchango wa Rais Kikwete katika kuendeleza Sekta ya Afya nchini,Novermba 23, 2012 Ikulu jijini Dar es salaam.

MWAKYEMBE AWATUNUKU STASHAHADA ZA KAWAIDA,STASHAHADA ZA JUU NA SHAHADA MBALIMBALI WANAFUNZI WA CHUO CHA USAFIRISHAJI(NIT)

Waziri wa Uchukuzi, Dkt. Harrison Mwakyembe(Kulia kwa Mkuu wa Chuo), akisikiliza maelezo ya maendeleo ya Jengo Jipya la Chuo Cha Usafirishaji(NIT) kutoka kwa Mkuu wa Chuo hicho, Mhandisi.Dkt. Zacharia Mganilwa (aliyevaa suti ya Kaki), wakati Waziri wa Uchukuzi alipotembelea Chuoni hapo Leo Mchana kutunuku Stashahada za Juu, Stashahada za Kawaida na Shahada mbalimbali katika mahafali ya 28 ya Chuo hicho.

Mkuu wa Chuo cha Usafirishaji(NIT), Mhandisi, Dkt. Zacharia Mganilwa(aliyevaa suti ya Kaki), akimuonyesha Waziri wa Uchukuzi, Dk. Harrison Mwakyembe(Kulia kwa Mkuu wa Chuo), eneo ambalo Chuo kimelitenga kwa ajili ya wenye Magari watakaomua kupaki magari yao na kwenda kutumia Usafiri wa Treni inayotoka Ubungo kuelekea Stesheni jijini Dar es Salaam.

Mkuu wa Chuo cha Usafirishaji(NIT), Mhandisi.Dkt. Zacharia Mganilwa(aliyevaa suti ya Kaki), akimueleza Waziri wa Uchukuzi, Dk. Harrison Mwakyembe(Kulia kwa Mkuu wa Chuo), namna ambavyo Maktaba ya Chuo hicho inavyofanya kazi, chuoni hapo Leo Mchana. Dk Mwamkyembe alipita katika maeneo mbalimbali kabla ya kuhudhuria mahafali ya 28 ya Chuoni hapo.

Baadhi ya Wageni walioalikwa katika mahafali ya 28 ya Chuo cha Usafirishaji(NIT), wakimsikiliza Mgeni Rasmi Waziri wa Uchukuzi, Dk. Harrison Mwakyembe leo mchana katika Viwanja vya Chuo hicho.

Waziri wa Uchukuzi,Dk. Harrison Mwakyembe akihutubia wahitimu pamoja na Wageni waalikwa katika mahafali ya 28 ya Chuo cha Usafirishaji(NIT), Mahafali hayo yamefanyika katika Viwanja vya Chuo hicho Leo Mchana, ambapo wahitimu wa Kozi mbalimbali wametunukiwa Stashahada za Kawada, Stashahada za Juu na Shahada.

Waziri wa Uchukuzi.Dk. Harrison Mwakyembe(Aliyevaa kofia Nyekundu),akiwa katika picha ya pamoja na Wahitimu wa kozi mbalimbali kutoka katika Chuo Cha Usafirirshaji(NIT),jijini Dar es Salaam.

ALIYEMUIBIA HAKIMU SINGIDA AHUKUMIWA KWENDA JELA MIAKA MITATU.

Jengo la mahakama ya mwanzo Utemini mjini Singida.

Mlinzi wa kibanda cha biashara cha hakimu wa mahakama ya mwanzo Ipembe mjini Singida Jumanne Juma (47), amehukumiwa kutumikia jela jumla ya miaka minne na miezi sita, baada ya kukiri kutenda makosa matatu likiwemo la kuvunja kibanda cha mwajiri wake kwa lengo la kufanya uhalifu.

Mlinzi Jumanne anatuhumiwa kutenda makosa hayo,Novemba 3 mwaka huu saa tano usiku eneo la Utemini mjini Singida.

Mshitakiwa Jumanne ambaye ni mlemavu wa jicho moja la kushoto (chogo), aliajiriwa na hakimu Hossea Selema Mkude (58) wa mahakama ya mwanzo Ipembe.

Katika shitaka la kwanza, mshitakiwa alisomewa kuwa mnamo Novemba 23 mwaka huu saa tano usiku huko Utemini, mshitakiwa bila halali, alivunja kibanda cha mwajiri wake kwa nia la kutenda kosa la jinai.

Shitaka la pili, mshitakiwa Jumanne alisomewa kuwa katika siku ile ile na wakati huo huo ,aliiba mizani ya kupimia uzito na vocha mbalimbali za simu za viganjani, vyote thamani yake ni shilingi laki tano (500,000).

Aidha, ilidaiwa kuwa mshitakiwa akiwa mwajiriwa wa hakimu Mkude, alipuuza na hivyo akishindwa kuzuia kosa la wizi jambo ambalo ni kinyume cha sheria.

Mshitakiwa baada ya kusomewa mashitaka yake hayo, bila kuuma uma mdomo, alikiri kutenda makosa hayo.

“Kwa hiyo, naiomba mahakama yako tukufu, inionee huruma kwa vile sijasumbua kabisa nimenyoosha maelezo yangu moja kwa moja, pia nipo tayari kumlipa Mheshimiwa wangu Mkude sh.500,000 anazodai kuibiwa”, alisema mshitakiwa Jumanne huku akiinamisha kichwa chake chini.

Kwa upande wake hakimu wa mahakama ya Utemini Ferdnard Njau, alisema pamoja na maombi ya mshitakiwa, mahakama ipo pamoja na mambo mengine, kurekebisha tabia mbaya zinazofanywa na baadhi ya watu.

”Kwa kosa la kwanza, utatumikia jela miaka mitatu, kosa la pili, miezi 12 na kosa la tatu, miezi sita. Adhabu zote zitakwenda pamoja na hivyo utatumikia jela miaka mitatu tu”,alisema hakimu Njau.

KASHFA YA NGONO CHUO KIKUU CHA UDOM (DODOMA) WANAFUNZI WAJIUZA USIKU KWENYE KUMBI ZA STAREHE

Taarifa ya habari ya Star tv ya saa mbili usiku ya tarehe 23/11/2012 imeeleza kuwa wanafunzi wa kike katika chuo kikuu cha Dodoma (UDOM) wanadaiwa kufanya biashara ya ukahaba katika maeneo mbalimbali ya starehe mjini Dodoma!
Habari hii inasikitisha hasa ukizingatia umuhimu wa wasomi hawa katika Tanzania na hatari inayoweza kuwapata kama taarifa hii ina ukweli.

Kama jamii tujiulize, tatizo ni nini mpaka mtu wa level kama hiyo kuamua kuvaa vichupi na kujiuza kwenye clubs na sehemu zingine??

CHUO KIKUU cha Dodoma UDOM kinadaiwa kukumbwa na kashfa ya ngono kufuatia madai kwamba baadhi ya wananafunzi wa kike wanajihusisha na biashara ya kuuza miili yao kwa lengo la kujikimu kimaisha.

Tuhuma hizo zimebainika wakati wa mahafali ya tatu ya UDOM huku takribani wahitimu 6392 wakitunukiwa vyeti,stashahada,shahada za kwanza,uzamili na shahada za uzamivu.

Chuo Kikuu

cha Dodoma ambacho kilianzishwa rasmi mwezi machi mwaka 2007 kimejipatia sifa kemkekm za kitaaluma licha ya ukweli kwamba bado ni kigeni machoni pa wengi.

Tuhuma za ngono miongoni mwa wanafunzi wa kike zinadaiwa kusababishwa na ukata hatua inayowalazimu kutoroka chuoni nyakati za usiku na kujiunga na baadhi ya wasichana wa mitaani waliokubuhu kwenye ukahaba maarufu kama machangudoa kwa lengo la kujiuza.

Wakizungumza na star tv wakati wa mahafali hayo baadhi ya wahitimu wanathibitisha uwepo wa vitendo hivyo vilivyo kinyume na maadili.

Kutokana na kukithiri kwa vitendo hivyo Makamu Mkuu wa Chuo hicho Prof.Idris Kikula anatoa onyo kali kwa wote watakaobainika.

Mkuu wa Chuo Kikuu cha Dodoma Rais Mstaafu Benjamin Mkapa amenukuliwa kwa nyakati tofauti akisisitiza suala la maadili chuoni hapo hatua inayodaiwa kupuuzwa na wanaojihusisha na vitendo hivyo.

SHILOLE ANUSURIKA KUKAMATWA NA POLISI BAADA YA KUHISIWA KUWA ANA MISOKOTO YA BANGI

MSANII wa anayefanya vizuri kwenye muziki na filamu Shilole, amenusurika kumakatwa na polisi baada ya kuhisiwa kuwa na misokoto ya bangi ndani ya gari lake na kusababisha kuhojiwa kwa dakika kadhaa maeneo ya Kinondoni.

Tukio hilo limetokea usiku wa kuamkia jana ambapo msanii huyo inadaiwa alikuwa akitokea kwenye ishu zake ndipo maafande hao waliokuwa wakitokea kwenye malindo yao walipomdaka na kumpeleka pembeni kwa lengo la kufanya upekuzi kwenye gari yake.

Inadaiwa kuwa polisi hao hawakukuta kitu chochote zaidi ya sigara za mpenzi wake, ambaye walikuwa wote usiku huo na hata hivyo hawakuwa na dalili zozote za kuwa wamelewa.

Shilole alipozungumza na mwandishi wetu alidai kuwa tukio hilo lilimshangaza sana kwani hakuwa na bangi ndani ya gari lake na hajawahi kutumia kitu hiyo lakini polisi hao walimuhoji kana kwamba anatumia bangi.

Alidai kuwa kuna baadhi ya watu walitaka kumfanyia mchezo mchafu lakini walishindwa kwani alikuwa makini katika kila jambo ambalo alikuwa akilifanya usiku huo, na alipoulizwa kuwa usiku huo alikuwa anatoka wapi alidai kuwa katika harakati zake za hapa na pale.

IRENE UWOYA, FLORA MVUNGI.....BIFU UPYA!!!!!!!!!!!!

MSANII wa bongo movie na mziki Flora Mvungi ameibuka na kudai kuwa ana majina 10 ya wabunge ambao tayari wameshatembea na Irene Uwoya na anaweza kumuanika wakati wowote atakapojisikia.

Wasanii hawa waliwahi kuwa katika bifu zito, lakini sasa linaonekana kuchukua sura mpya, ambapo inadaiwa kuwa Mvungi tayari ameshapanga kuyatoa majina hayo na anasubiri wakati muafaka ili aweze kuanika ishu hiyo.

Mvungi ambaye ni mchumba wa msanii wa muziki wa kizazi kipya H-Baba, amedai kuwa anajua mengi kuhusu Uwoya ambayo jamii haijapata nafasi ya kuyajua.

Msanii huyo akiongea na mwandishi wetu amesema kuwa kwenye list hiyo wapo wabunge wengine ambao wanaweza kuwa ni umri wa baba yake lakini kutokana na tabia zake za hajali. Aliongeza kuwa kuna kipindi wakati alipokuwa hana ujauzito alikuwa akipanga safari za kwenda Dodoma mara kwa mara pamoja na Uganda huko alikuwa akienda kwa ajili ya vigogo hao.

“Naweka wazi kwani hana shukrani na nipo katika mchakato wa kuanika picha zake zote alizopiga na wabunge hao alipokuwa akila bata,” alidai.

Baada ya hiyo pia aliizungumzia safari ya Uwoya ya Uingereza kuwa alichukuliwa na bwana wa kizungu, ingawa hapa nchini alitoa habari za uongo kuwa anaenda kwa ajili ya kutafuta soko la filamu.

Mwandishi wetu alimtafuta Uwoya ili ajibu ishu hiyo, lakini hakuweza kuzungumza kwa undani na kudai kuwa anajua ni kwa nini Mvungi ametoa kauli hizo chafu, zenye lengo la kumfanya ili aonekana mbaya, na kuongeza kuwa hajawahi kutembea na mbunge yoyote wa Tanzania hii.

Pia alikana kuwa hakuchukuliwa na mzungu na kupelekwa nje kwani alienda kwa ishu zake za kikazi, lakini kama Mvungi anataka kuanzisha bifu yuko tayari kulipokea ka kudai Mvungi ni mtoto mdogo ambaye hajui analolizungumza.

Kwa Habari Moto Moto, Michezo na Burudani.